Twee jaar

Vier en twintig maande
smag ek na jou

smag ek om jou te ontmoet
smag ek om deel te wees van jou

vir ‘n kort tyd is ek beskore
om jou te vind

vir ‘n kort tyd mag ek my
musiek in my hart met jou deel

vir ‘n kort tyd is jy my bestaan
handjies hou is my genot

ek is weer jonk
my hart bons as ek jou sien

vir ‘n kort tyd in ‘n leeftyd
is jy deel van my

oor jou voel ek soos
ek nog nooit oor iemand gevoel het

hoe kan ek dit vir jou se
dat jy my kan verstaan

dat jy kan verstaan in
die najaar van my lewe

het ek jou gevind
het jy
in my hart ingekruip

jy moet verstaan
jy is my asemteug

jy moet verstaan
jy is my hartklop van sielsgenoot

jy moet verstaan dat ek
nie sonder jou kan wees nie

jy moet verstaan dat ek ‘n troetel
naampie vir jou het

jy moet verstaan dat ek trane stort
oor dit wat is en kan wees

jy moet weet dat ek oneindig lief is vir jou

Elegant is jy

Jy nader my met jou elegante voorkoms

my hart bons want ek weet nie hoe is dit

om met jou te praat


Jy is iemand besonders

wat verras met wat jy is


Ek verstaan dat jy sielsgenoot kan wees

In die wereld van smart en gebrokenheid

want jy het deur die dieptes gegaan en die berge bestyg


Die pad van more is nie duidelik

maar as dit kan sal dit wees


Die geroep van die visarend is my beloning

al is dit net ‘n moment in my lewe

‘n moment van aandskemering en belofte van more


jy weet dit nie

maar jou hande is sterk en mooi

fassinerend vir my

as deel van jou tydlose elegansie


vrede is daar vir my want ek het jou leer ken

jy sal deel wees in die tydjie beskore

Die dag toe jy se


Die dag toe jy vir my sms
As jy maar weet hoe ek oor jou voel

Het ek gesien maar nie geweet nie
Hoe jy regtig voel nie

Ek kan nie glo
Dat iemand soos jy

So oor my voel nie
Maar vandag weet ek verseker

Hoe jy oor my voel

My hart bons as ek jou sien
Ek weet nie wat om te doen

Ek wil jou aangryp
En teen my bors hou

Ek wil he jy moet teen my
Le op my skouer

Nooit weer verdwyn
In die laaste oomblikke
van ons lewe

verstom is ek oor my passie vir jou
verstom is ek oor jou passie vir my

woorde gee pad iut my mond
en ek staan en ruk oor die gevoel in my

jou woorde bly vassteek in
my kop en ek kan na vandag

jou glo as jy se
jy weet nie wat ek vir jou voel nie

dit is ‘n laaste reine suiwer liefde
wat jy voel

Dimensies

Dimensies
In die spel van liefde is
daar baie dimensies

die aantrekking van
‘n diamant is eg

dit hou my gevange van ver
en wanneer ek naby tuur

is daar meer vlakke
en dimensies wat ek nie weet

so gaan dit in my liefde vir jou
jy is eg

jou uitreiking hou my
gevange van ver

soos ek naby beweeg sien ek nuwe
vlakke suiwer gepoets

glinsterend en suiwer
van lig wat weerkaats

en ek verloor my in jou siel
wat op elke vlak verskyn

die flonkering van passie
ontbrand in my

as ek jou in my arms neem
en jou vertel

wat doen jy aan my
jy laat my smag na die

suiwer blouwit liefde vir jou
vlakke wil ek ontdek

en koester aan my hand
sonder ophou kyk

sonder ophou staar
vir jou die liefde van my lewe.

Laat Liefde

Laat liefde
is my beskore

die opwinding van die
jeug word weer my deel

die handjies hou
die dink aan jou

laat liefde
is soos moredou

blinkend in
die oggendson

die eerste kus
die rimpeling daarvan

laat liefde
is soos nuwe lewe

lewe wat in my bruis
lewe wat my deurborrel

laat liefde is
nie almal beskore

die gelukkige paar
kan dit ervaar

laat liefde is
ook smeulend in gevaar

nie almal wil dit
gryp en troetel nie

nie almal dink
dit is jou beskore nie

maar ek weet
dat my laat liefde

my enigste liefde
is

niks maak meer saak as dit

My beminde

Is wat ek
jou kan noem

want jy is my lewe
alles in my roep na jou

elke asem teug
is gekoppel aan jou

sonder jou is my lewe
soos die bos sonder reen

as jy op ver paaie
loop roep ek na jou

probeer ek vergeet
probeer ek nie dink

maar dit is vergeefs
wat ek my belofte wil behou

ek wil jou
naby my he

ek wil my beminde
koester teen my bors

koester in my hart
sonder angs en wroeging
oor sy oor ver paaie loop

my geliefde
jy is my enigste beminde

my belofte om jou
te vermy

kan ek nie hou
want jy is die
middelpunt van my bestaan

vergewe my
as ek my liefde

aan jou verklaar

Verloren

Op verloren het
ek my hart verloor

by die moepel
hnagend oor die stroom

het ek gevoel
dat ek jou nie wil verloor

op verloren nie

helder waterbeke
soos in lied
het ek jou gesien

in jou liefde

jy is soos die water
helder en nie besoedel

drinkend uit die
suiwer stroom

op verloren sien ek ver
die detail is nie daar

maar die toekoms
wink oor die vertes
op verloren

drome word gedroom
op verloren

maar daar is net
een droom vir my

om by jou te wees
om by jou te wees
op verloren

deel van jou bestaan
solank ek kan

verloren maar nie
vergeten

Tepels en Borste

Tepels en borste is
Die beginpunt van my bestaan

Voedsel kom eers later
Passie moet dit begin

Sagtheid van rondings
Punte van genot

Raak net aan
Vind dan beter

Strelend is die eerste tyd
Drukkend die tweede rondte

Tentatief huiwerend
Oor klere om te weet

Wat is die tafereel
wat moet volg

die suiging van oerdrang
om eers passie te wek
dan om te voer

nakend word dit ‘n snak na asem
waneer tepels en borste
deel word van die drang

betas gelek gesuig
met dwingend dwang

salamo het besing
maar niks kan kom

wanneer klere gestroop
word vir eerste keer

om te voel wat
die sagtheid bied

tepels en borste word my deel

jy gee my die beste – jou borste en tepels
as deel van die passie van liefde

Sonder liefde - Met Liefde

Sonder liefde
het ek geen risiko

Sonder liede is daar
geen wroeging nie

sonder liefde
kan ek rustig lewe

sonder liefde is ek
stadig besig om
eensaam te word

sonder liefde
is almal tevree
met my

sonder liefde is
daar geen problem

sonder liefde
is daar geen angs

met liefde is daar
emosies wat my skeur

met liefde is daar
moeilikheid

met liefde is
daar onsekerheid

met liefde
word ek voorgese

met liefde
is ek een tyd op ‘n hoog
een tyd op ‘n laag

wat kies jy is die vraag

en ek het net een antwoord

ek kies liefde elke keer

Captains Chair

Bleekwit en stukkend
Le ek op die ashoop

In outyd was ek
genoem Captains Chair

deur mense
lank vergee

my sitplek is in repe
maar sterk gemaak
is ek nog diensbaar

twintig rand was my prys
vasgestel deur ashoop man

vir hom is ek
nog ‘n dop vanaand

aan my diens aan
amptenaar het hy geen erg

gered van vuurmaak
word ek geskuur

my sitplek word
gepoets en gebruin

gebreekte arm word gebind
geheg om nog diens te doen

nou is ek vertoonstuk
in ‘n bosveldhuise

ek kan nou weer
vietse boude laat rus

olie moet ek nog kry
om my af te rond

vir my plekkie in die huis

intusen werk ek nog
tot finale erfstuk my lot word

ek is ‘n Captains Chair

Drolpeer

Drolpeer

My naam is nie
meer polities korrek nie

die poeiertannies bloos
aan die gedagte van so ‘n reukie

maar as ek blom weet die
bosveldbewoners

dit is lente
somer kom netnou

ek is die blomperske
van die bosveld

my wit blomme vertel
die goeie nuus

van lente en somer
van nuwe vreugde

van tye wat verander
van liefde wat kom

ek is eerste
en almal weet van my

my naam is nou
wilde peer

meer aanvaarbaar
in hoge geleerde kringe

maar vir die bosveldloper
bly ek drolpeer

reen het ek nie nodig
om my oeraksie te laat werk nie

teen my bruinwordtyd
is dit al somer

en ek is dan
dombeya rotandifolia

my uitgestorwe naam

Die kersligaande

Ruwe hande breek oop
die granaatrooi
sagtheid van my vrouwees

stuwend lyf beweeg
teen my aan
waar ek wag vir jou

wag vir jou passie
om in my te speel

oeroud passie
wat in my opwel

oerdrange wat my laat
snak na my asem wanneer
jy my binnedring

oeraksie wat my
genot laat fluister
tot die crescendo
van klank

druppels van water vloei
sagkens en stil uit my uit

druppels word strome
van water wat my
gereed maak vir jou

my borste smag na aanraking
om my sagtheid te laat verhard

verharding van my
tepels vir jou genot

jou soene verteer my wil
om jou te verwerp

jou aanraking is
strelend op my sinne

dit alles gebeur
op kersligaande

In net twee weke

Het ek ontdek dat daar
nog ‘n lewe is

Het ek van ‘n saai bestaan
na opwinding verhuis

Het ek geleer om
nie nee te se
vir die smul van die lewe nie

Het ek ontdek dat
die liefde is gee

Het my asem verander in
‘n versugting van nog meer van jou

het ‘n saadkorrel ontkiem
‘n saadkorrel van liefde en verlange

het ‘n dounat reen
op my siel geval

is my alleen weg
na verre lande

het my woorde ontluik
om jou te beskryf

is daar ‘n versugting om by jou te wees
kom wat wil

gaan ek vir jou se dat
ek lief is vir jou

waarom

waarom is ek hier
waarom is ek daar
waarom wil ek altyd weet

my waaroms dryf my gek
my waaroms wil nie gaan le
my waaroms is ‘n stormwind

dit jaag en roei
wolke beweeg en dreun
blitse slaan en alles kreun

want waaroms
is my kreet

met die krag uitgewoed
van stormwind val die
sagte reen

alles word nat
die aarde ruik na water
lewendgewend is
die grond na die stormwind
van waaroms

ek moet beur deur die vraag
voordat ek sal vind

waarom moet ek jou
vind in my siel

waarom kan ek jou nie kry

waarom is jy vir my bedoel

waarom pas ek so by jou

waarom – waarom – waarom

dring die vraag

In die kou

groen is my kleur
groen is my kou
gedoem is ek
in my groen vergulde kou

getrou is ek in my kou
ek vrees niks want
dis veilig
in my kou

meteens sien ek
die kou is oop
ek bewe van die vrees
want se nou…….
want se nou……………

asemophouend
staar ek na die deur
waarom het ek nog
nooit gesien die deur is oop

kan ek waag
kan ek probeer
wat sal met my gebeur

tree en stamp
en ek is vry

gesmag na vryheid
en nou is dit my deel

meteens is dit vir my duidelik
ek kan
weer in my kou

die vrees taan
ek toets vryheid
‘n nuwe lewe breek oop

sodra ek vrees
vlug ek terug in my kou
veilig en vreesloos
staar ek deur die tralies

na die lewe wat ek begeer

In die winkel

Hallo diederick
Se die stem
Verbysterd staar ek net

Mompelend strompel ek
Starend na rakke
Maar siende niks

Vervaard draai ek om
Vervaard staar ek na die plek
Waar jy was

in die winkel
soek ek na jou
want ek weet jy was nou net daar

gang vir gang
patroleer ek
die till is leeg

wie is sy
waar is sy
hoe kan ek haar kry

kan ek jou help meneer
slaan die vraag
se vir my waar kan ek haar kry

wie soek jy meneer

stamelend se ek
soek na die mooi vrou
sy was hier en nou sien ek nie meer

jammer meneer ek sien nie so ‘n persoon nie
kom maar weer

elke dag soek ek maar
tevergeefs
sy is weg

‘n verbeeldingsvlug
dink ek

elke dag om vyf soek ek
tevergeefs

ruimte

my kindwees kom na vore
in die ruimte is die
sputnik wat stil op sy baan styg

die ruimte daar is oorweldigend
die ruimte hier is benouend

my opdrag is duidelik
gaan en vind jou ruimte
want ek wil jou he

jy moet weet
dat jy vir my beskore is
dat ek my hande
op jou le

dat ek my lippe aan jou bied
my harstog vir jou gaan gee

maak eers seker dat jy die ruimte
het
maak seker dat jy
nie die soutpilaar gaan wees nie

die tyd is kort en ons moet gaan
op die pad van blydskap,
nie verstaan nie
hartseer en verdriet

jy gaan my volle vrouwees
ervaar
die paradys van my sinne voel

jou pad van verlede
moet jy weet
dit is verby
want net die toekoms bly oor

duidelikheid le in my gemoed
ruimte is ek gegee
omdat die tyd verby is vir die
outyd se lewe

en die tyd van die nuwe aangebreek het
ek is nou joune wat ek het ruimte

Die swart smart

Die vuurvegters dreun
Rook staan by die skoorsteen uit
Dieseldampe meng met vlam se kind

Skreeuend uit dorstig keel word
Vlamme geblus
Die as bly oor en ook
‘n sware sug

die veld is swart
en ek stap weg
van verwoeste
land

ek het verloor

my eensaam siel is soos
die verskroeide aarde
kan dit wees
dat alles net so is?

Verset teen my lot beur ek aan
Werk is my sieletroos
Sonder vreugde pak ek aan
Die dag van elke dag

My voet lei my op die swartte pad
Ek skop verwoed na die naaste pol
My oog vang
‘n groenigheid
die vingers beur die swart weg

skielik weet ek
jy is my groenigheid
in die dorre as verbrande
veld

jy ontknoop die lente in my
jy benat my
jy skep die groeningheid vir my

die wete kom le diep in my
dat jou pad is my vreugde
oomblik

Die kerk

Die kerk dreun van die psalms
vorsend dawer die klanke
En spoel oor my

Die spasie is vol
die fen waai verwoed
om verligting te gee

in die spasie langs my
is ‘n koeligheid elegansie
ek voel
die gees wat langs my leef

skrikkerig is ek want die mooiste mens
is deel van my bank

ek sing al hoe harder
want my keel is benoud
my mond is droog
en smag na water

want die hande wat ek
so skrams sien is betowerend
en ek droom om dit te kan hou

dit is so onbereikbaar
hoe sal ek dit vind

die predikant gee die volgende bevel
sit ons nou op die banke
en ek hoor die
sis van die klere
wat om haar vou

‘n oomblik se oogkontak
is daar
maar ek kyk weg
want soveel skoonheid
is my nie beskore

sugtend in my siel
maak ek klaar
probeer vir nog oulaas
my visioen bewaar

die diens is klaar

Die kerk 2

Die kerk dreun
van die laaste psalms
die klanke
spoel oor my

Die kollektebord skuifel sy paadjie
vir kleingeld en hier en daar ‘n noot

teedrink is die aksie
wat nou moet gebeur
die diens was teugsaam maar
ek moet gaan geniet wat die susters bied

eenkant staan ek by die stomp
kinders skaterlag en hol om my heen

uitgesluit staan ek met my koffie
en betrag
oompie kom en knoop
‘n geselsie aan vingers swart van die pyp

luister doen ek
maar my oe dwaal na jou toe
jy is besig met familie
ek wonder of jou man
in die konsistorie is

min weet ek dat jou
bewussyn van my
kloppend is in jou keel

jou menswees sal my vat
as jy maar kon weet
hoe om die brug oor te steek

mymerend droom ek
maar ek kyk weg
want ek is haar nie werd

sy vang my oog
ek beweeg maar moed is laag
vlug weg want sy is so mooi

die tee is klaar
en die koppies word koud
my pad loop eensaam
maar ek verstaan

Hou jy van wat jy sien?

Die vraag klap soos ‘n skoot na binne
Hou jy van wat jy sien?

Die antwoord is maklik
Ja ek hou van wat ek sien

Waarom is die antwoord maklik?
Dit is maklik omdat ek jou hare kan voel en sien
‘n pragtige bos wat wip en swaai
sag is en glansend mooi

Die antwoord is maklik want ek voel
Dat jy weet wie jy is
Dat jy van mense hou
ook van my

Die antwoord is maklik want
As jy met my praat is die oogkontak daar
Die vensters van jou siel is oop
Vir my

Die antwoord is maklik want jy is
mooi van voorkoms
jy is sag en warm van vreugde
in die lewe

Die antwoord is maklik want
jy laat gemaklik wees oor my spoel
jou gawe is om te laat ontspan

Die antwoord is maklik want
Jy is mistiek
Onontdek in jou geheimenis
Oopbreekbaar soos ‘n vrug

Die antwoord is maklik want
jy is polsend
maar genoeg van omgee
is in jou hart

Die antwoord is maklik want
die vreugde van menswees vloei uit jou uit
en gee vir my ook ‘n stukkie

Die antwoord is maklik want ek vra
Hou jy van wat jy sien?

Rooi is my hartstog

Rooi is my hartstog
as jy by my is
as jy getooi is in rooi
van top tot tone
voel ek die pols
in my klop

Rooi is my hartstog
As jy in my oe kyk
En saggies oor my vryf
Jou rooi se vir my
Jy is vol hartstog vir my

Rooi is my hartstog
As ek jou blomme bring
Rose vol rooi
Jou oe glinster
As jy my kus

Rooi is my hartstog
As jy
Jou rooi lippe
Oor my speel
Jou merk op my laat
My hartstog laat ontketen

Rooi is my hartstog
as jy my vingers
laat voel
wat hartstog beteken

Rooi is my hartstog
as jy my plekke
vind en troetel
wat my hartstog
laat vlam en gloei

Rooi is my hartstog
As jy my lei
Na jou plekke van hartstog

Rooi is my hartstog
As ek ontlaai
By jou
Want jy is die een
Wat ek bemin

Dagdroom Meisie

Jy is my dagdroom meisie
Wanneer ek jou sien
En jy vriendelik glimlag
Voel ek verheug
Want jy is bly om my te sien

Jy is my dagdroom meisie
Wanneer ek jou rooivos hare sien
Dan weet ek
Dat ek jou weer gevind het

Jy is my dagdroom meisie
Want wanneer ek weg is van jou
Dan droom ek van jou
Ek droom van jou dikwels
Van jou gesels en lag
Jou onnutsigheid en jou passie


Jy is my dagdroom meisie
Want wanneer ek wil ontvlug
Uit my sleurbestaan
Kan ek na jou toe vlug
Kan ek oor jou droom

Jy is my dagdroom meisie
Want jy maak my vel tintel
Jy gee my glans
Jy is my avontuur

Jy is my dagdroom meisie
Want as ek jou verlaat
Dan is ek bly oor ek by jou was
Dan is ek hartseer dat ek moet gaan
Dan sien ek uit om jou weer te sien

Wat ek jou vra my dagdroom meisie
Is om my dagdroom meisie te bly
Solank jy kan

My laaste gedig

Die laaste gedig

Strome ruk uit my
Skorrend breek
die klank uit my keel

dof deur watergordyn
sien my
oe die klawers van my klavier

my mond is droog
water kan dit nie stil

uit die malse oerwoud van palms
is die son skroeiend
verwelkend
vernietigend
versmeltend

my sielsbeendere
le wit gebleik
in die sand

skroeiend in die son

geen hoop is daar nie meer
dat dit bymekaar kan kom nie

my hart verstil vir die laaste keer
liefde kan nie meer
voortbeur uit my siel

want my laaste gedig word stil

woorde kan dit nie meer se nie
die klanke het verstil

die laaste ete was daar

die laaste kus se proe verdof

die blomme verwelk

my laaste gedig is daar

onwrikbaar sny die mes
elke gedig
tot in fladderend papier

Bosveldhuisie

My bosveldhuisie is
my skuilkrans onder
rotswand

na ‘n dag van aksie
in die bosveld

in my bosveldhuisie
kan ek le op my
tokkelosh bed

gepak op bakstene
om my te beskerm
teen die geeste wat my jaag

warm onder my karros
my vrug van jag

van bok se keel gesny
vir my pot

in my bosveldhuis
kyk ek na my
waaier wat swiepend
rond draai

my vermaak
nag vir nag

as mot se kind versteur word
deur die wind

steierend na die kers wat
hom aantrek tot sy lot

my diervel koester my voet
seer van die dag

my oes is buite my deur
wag om ryp te word

wat ek kort in my bosveldhuis
is iemand

iemand wat my red
van aardse lot

Lydenburg

Lydenburg o Lydenburg

my naam getuig van
smart en lyde
van muskiet se byt

ohrigstad is vrugbaar vallei
maar muskiet se kind maai

diep rooigrond is deur
Heer se hand
in ohrigstad gestrooi

my saad is groeiend
tot vrugbaar plant
met malse groen

weg moet ek vlug
van ohrigstad

my oes is goed
maar die dood is daar
van muskiet se kind

ek vlug na lydenburg
om te ontsnap maar my lyde
is in lydenburg

waar ek nie
beloofde land kan sien

my hart word swak
ek sterf in lydenburg

vandag is smart van weleer
net bekend vanwee my naam

lydenburg is deurpad na laeveld
toeriste stop om
poskaart na verre lande te stuur

antieke maskers staar
onsiende

op lydenburg

Weet van liefde


Weet dat jy omring is van liefde
Al kan jy dit nie sien nie

My liefde is vir jou is
sigbaar en onsigbaar

My liefde is bereikbaar
en onbereikbaar

my liefde is alledaags
maar ook spesiaal

my liefde is soms ontwykend
soms versmorend

my liefde is vol ontroering
en soms sommer doodgewoon

my liefde is tasbaar
en ook ontasbaar

my liefde is emosievol
en ook emosieloos

my liefde het ‘n voorspel
maar ook ‘n naspel

my liefde gee soms blomme
ander kere blomloos

my liefde is betastend
ander keer nie

my liefde is allesomvouend
maar soms ook grensgebind

my liefde is soms dromend
ander keer sonder dit

my liefde is wegholbrand
ander keer koesterend kaggelvuur

my liefde vir jou bly egter
ewigduur

Mis jou kwaai


Mis jou glimlag as jy my sien

Mis jou piksoen op die
Parkeerterein

Mis jou koffiedrink

Mis jou naggesels
Tot laatnag

Mis jou sms boodskapies
Wat my se lief vir jou

Mis jou musieksmaak

Mis jou uitstap in bitter kou

Mis jou gesprek oor kopsake

Mis jou bederf van my

Mis jou nagkus

Mis jou nagse sms

Mis jou ogendse sms

Mis jou arms om my

Mis jou gedagtes deel

Mis my verhouding met jou

Ek bly lief vir jou

Vir altyd en nog ‘n keer

Ek mis jou kwaai

Stoep sit


Wie gaan saam met my
op die stoep sit

in die najaar
van my lewe

wie gaan saam met my
op die stoep sit

en my gedagtes deel

wie gaan saam met my
op die stoep sit

en my sjerrie deel

wie gaan saam met my
op die stoep sit

en my bed met my deel

wie gaan saam met my
op my stoep sit

en die laaste strale deel

wie gaan saam met my
op my stoep sit

en my oorvloed liefde deel

wie gaan saam met my
op my stoep sit

en my kerkbank deel

wie gaan saam met my
op my stoep sit

en my gesprek met God met my deel

ek gaan

Ek onthou

Die sleurend musiek
Van my dans met jou

Die dans in die nag
In jou sitkamer

Met jou lyf wiegend
In my arms

Sagkens sien ek jou oe
As jy na my kyk

En ek weet
In die ounag
Het ek my liefde gevind

Ek onthou
My eerste kus met jou

Die kus wat verander het
In passie
Van jou maond

Die kus wat vertel het
Ek hou van jou

Die soete smaak
Van liefde vir my

Ek onthou
Hoe jou gesig versag het

Wonderbaarlik mooi
As jy na my kyk

Ek vou jou gesig
in my ruwe hande toe

my hart huil
van liefde vir jou

want jy is my
laaste liefde
in die wereld van nou

Koorsboom

Koorsboom

In laeveld is my plek

plek waar malaria muskiet

hoogty vier

in vleiland maak ek my tuis

waterpoele is naby my

ou mense se

dat hulle siek word

omdat hulle naby my was

min wetend

dat dit malaria muskiet is

wat hulle inspuit met dodelike

kiem

my kleur is geelgroen

seldsaam in die natuur

my blare is min

en ek is nie bokkos te veel

my kleur maak

dat ek plek vind in menige tuin

vir die ornament

van seldsaam lyk

hoogreikend groei ek

om te troon bo bosveldboom

vuur vir die vleis

van mense is ek nie

want hulle is te bang

dat ek koors sal gee

aan hulle vanwee my kleur

Boabab

Boabab

Boabab is my vreemde naam

my vreemde voorkoms is ook

'n voorspel van die verwondering

van die mens

ek word die boom

wat onderstebo groei

genoem

my naglewe is

een van blom

en vrinne wat kom kuier

om my te help

om meer te word

ek is nie net van afrika

maar stoot my takke trots

oor ander plekke heen

my dood is een van

vesels wat rondle

en my hout is van geen nut

vir mens en sy vuur

inboorling huil as ek

dood is want my velle

is gestrooi

oor die grond van afrika

produktief is my

duisend jaar lewe

help ek mens en dier

wat my respekteer

my woudlewe is ver

uitmekaar maar tog troon

ek uit en kan ver sien oor

afrika se vlak

min merk van olifant is op

my te sien

want my groot vriend

kan my nie meer besoek

die oerpaaie is toegemaak

deur mens

my saad le en wag

ek kan nie

weergroei nie

my angs is

dat ek nie meer sal

heers oor afrika se grond

want my pad is verander

deur mensekind

hul kan my nie brand

hulle kan my nie

vertafel en verstoel nie

maar hulle kan my vernietig

in my voortplantingsdrang

respek is nodig

om my te laat lewe

dat ek nog kan dien

soos voorheen

in afrika

Hardekool

Hardekool

Wanneer my blaardos verstil

staan ek nog vir vyftig jaar

as mens nie kom

om my te verag

na kampvuur as

om sy verwondering

te kan se

kyk die kole is nog goed

na vorige nag se gefuif

om die kampvuur

ek braai net op hardekool

is die spog

my naam moet wees

ysterhout van afrika

want stadig groei ek

in afrika se grond

ek is 'n boom van afrika

wanneer ek gesien word

is daar respek

van inboorling se kant

want ek is een van die grotes

van die land

ek word min

want bosveld kind

verpak my in plastiek

en soos weggooikind

le ek en wag op

die sypaadjie se vlak

wag op vuur

om my te verteer

vir plesier

my as kan nie meer

die grond van afrika verryk

na vyftig jaar

my lotsbestemming

is verbreek om die veld

sterk te maak vir nuwe plant

my hout is sterk

ek verstil die mens se lem

maar dit is nie genoeg

want die mens is baie

en ek kan nie vlug

van vure wat dwing

om my te brand nie

help my is my noodkreet

maak tog seker

dat ek kan oorleef

in afrika

Jy knak my knie

Jy knak my knie

Wanneer ek jou sien

knak my knie

ek is sonder

wilskrag om nee te se

want ek word swak

my bors word warm

my hart galop

ek kyk net vir jou

en ek word swak

Waarom is dit so

is dit net omdat ek jou

oneindig liefhet?

my rede verlaat my

ek wil net in jou arms wees

jou soene op my voel reen

jou lippe my betas

totdat my wilskrag

ingee

ek het jou lief

ek wil jou gelukkig maak

die tyd is min

vir my knie om te knak

jare spoel soos

minute uit

my keuse moet ek maak

gaan ek jou vat soos jy is?

gaan ek jou wegwys?

ek weet nie

want jy is by my

en ek kan nie dink nie

Jy sal moet besluit vir my

dink ek

want as ek jou geur adem

knak my knie

twee jaar tob ek al

wroeg ek met my waardes

want jou wil ek kry

jy is myne

skree ek uit

jou gaan ek vat

net soos jy is

want as ek jou sien

knak my knie vir altyd

Skildery

Elke aand het sy eie skildery

wanneer die son

sy afwaarts pad vind

die wonder van natuur

word 'n skildery van kleur

uniek gevorm

met rooi geverf

teen wolke of

stamme van bome

uitroepe van my

kyk hoe mooi

rooi getint sak

die son oor

Afrika heen

my hart sug en ek

dink oor al die paaie wat

ek geloop het

paaie oor Caprivi

Zambezi vallei

Kalahari se sand

Karoo se vlaktes

en vele meer

my tyd raak min

vir Afrika se skilderye

wat elke aand

vir my geverf word