Laat die stoeplig brand

laat die stoeplig brand

al is dit

dwarsdeur die nag

my kind

is die raad van

die gryse ouma

met rug al krom getrek

van ouderdom

want sy het alles al gesien

want dan sal

hy die pad kry al is die lyf

ook hoe al dronk

al is die gesuip

nie vir jou gewild

hy sal die pad kan kry want

die stoeplig brand

adam en eva

se skuld

die wilde drang van jeug

om te drink en te rumoer

om te vernietig

dit wat geskenk is van God

geklop aan die venster

twee uur in die nag

wild geskrik

van skok

maar die stoeplig

het gebrand

vir my wilde kind

klein bondel vreugde

het groot geword

maar is nou nie meer

vreugde nie

my kussing is nat gehuil

want wanneer gaan hy

bedaar

net op sy ergste is daar uitkoms

vir my

wildheid word minder

want nou is daar

iemand wat hom tem

dankie Vader – jy het my verhoor