Bosveld Marilyn
My naam is Marilyn Monroe
vir die wiprok vrou van die bosveld
die een wat met guitige lag
ieder en elk bekoor
kamtilie is die woord
wat hardloop in die kop
betekenisloos vir meest
vir my ‘n begrip
wat ek ken
diamanthare wat daar is
van skielik smart
getooi deur die
wind van verandering
gebring van ongekende diepe
smart
voorvat raakvat vrou
van menige dag
wat menige laat sug
was ek ook so
Kunstig in my wese
Optooier van formaat
Sprankelend die resultaat
Weereens die gesug
was
ek
ook die kunstenaars
siel
sielsgenoot vir die spesiale man
wat haar verstaan
wat haar uur van nood
wanneer haar musiek dreun
in diep donker slae op tossiesfontein
van stoep sit dae aaneen
wat diep behoefte vervul van deel
ek weet sy is die
omgee vrou van formaat
my Marilyn van my lewe
ware vrou vir my
salwend as sy met
haar lag my lewe tooi
No comments:
Post a Comment