My liefde het gefaal?

Het my liefde gefaal?

Ken jy daardie antwoord vir my

Kan jy my daarop antwoord

Hoe diep le my liefde vir jou?

As my kierie stamel

As my been nie wil nie

As ek alleen voortstrompel

In die nag alleen

Flikkerend is die kers

Nog nie uitgeblaas .

‘n mikpunt vir my

‘n doelwit wat ek wil haal

Soekend is my siel

Na my as blond

Se woorde van oortuiging

Na my glo in altyd

Doelwit is al skuiwend

Heen en weer soos

Reenboog wat ek nie kan vang

Diep vastend met vaste hand en blik

Dan weer guitig en pretbelaaid

Dan weer kaalkop die waarheid

Ritsend op die brommer

Soekend na die waarheid

Het ek geloop van

een plek na die ander

van oral oor het ek na hulle

gesoek

die antwoord wou ek kry

Jy ken die antwoord

Weet ek

As jy net wil se

Het my liefde gefaal?

Slagtand

jou slagtand hang om my nek

uitgeslag nadat

ek jou met een skoot

geklap het

n dag sonder bloed is ‘n dag sonder sunshine

is my leuse

wat ek vertel vir wie wil hoor

of nie hoor

meisies gril

mans grinnik

asof hulle ook so is

maar broeke bewe

en word nat van vrees

as ontmoet of gelyke vlak

geen kans het ek teen

30 - 06 wat my neervel

vir my spogtand om jou nek

hangend oor yl word borshaar

six pack daarmee heen

Rooi is my hartstog

Rooi is my hartstog

as jy by my is

as jy getooi is in rooi

van top tot tone

voel ek die pols

in my klop

Rooi is my hartstog

As jy in my oe kyk

En saggies oor my vryf

Jou rooi se vir my

Jy is vol hartstog vir my

Rooi is my hartstog

As ek jou blomme bring

Rose vol rooi

Jou oe glinster

As jy my kus

Rooi is my hartstog

As jy

Jou rooi lippe

Oor my speel

Jou merk op my laat

My hartstog laat ontketen

Rooi is my hartstog

 as jy my vingers

laat voel

wat hartstog beteken

Rooi is my hartstog

as jy my plekke

vind en troetel

wat my hartstog

laat vlam en gloei

Rooi is my hartstog

As jy my lei

Na jou plekke van hartstog

Rooi is my hartstog

As ek ontlaai

By jou

Want jy is die een

Wat ek bemin

My droom

om die pot vol goud te vind

in dubbel formaat van

dubbel reenboog

oer belofte van reen

wat vir noag sal

 keer om nog te bou

wanneer ek jou sien

 is daar tyd vir fabel

aan kleine kinders

van die pot van goud

naby aan jou

 kan ek nie kom

jy is soos ‘n gedagte

al skuifend weg

my verwondering bly daar

wanneer ek na jou staar

wonder wat het

oermens gedink toe

oog dit sien

jy bly my verwondering

wanneer ek jou sien

Storms van die lewe

soos die padteken

 voel ek soms teen die storms van die lewe

die wolke is sag

maar soos dit nou yk

is dit vreesaanjaend

dit kan losbars

oor my

dit kan my vat

en vasgooi teen die grond

rollend is die krag van die

storm

dreig dit my

maak my bang vir dit wat kan kom

tog waai die wind en dan is die angs en vrees daarmee heen

en die lug is blou

en skoon van storm en wind

wat my beangs het

wat my laat anker het waar ek was

nou is dit net ‘n gedagte ver

en kan ek weer gaan

Bosveldpaaie

ver le die pad van die bosveld onder die maroela deur

boom van vrugte

vir mens en dier

my spesiale boom want

sy vrug gee

‘n franke smaak

my tong protesteer

maar ek bly eet

waar bosveld verniel is vir landerye

het maroelaboom bly staan

want die boom is mos iets werd

asof die ander

net in die pad is

vir winsgrens en bottomline

hoe haat ek die woorde

wat die natuur

so uitroei

my siel kan

die oggendstond

nie verlaat dit bly talm

wat ek sien

en my gedagte keer terug

na die toneel

van maroelaboom langs die paaie van die bosveld

Jy staan uit

op die ver pad van die bosveld kry ek jou

tussen al die bosveld prag

jy staan ver uit

bo al die ander

wonder oor jou

is jy die moeder

van al

of is jy net die een wat uitstaan bo die ander

jou tyd kan ek nie skat

maar ek weet

dat ek vir jou sien

as die een wat uitstaan bo die ander

jy is die een wat my bybly

op my paaie van swerf

hoe mis ek jou

hoe graag wil ek jou sien

in winter blomtyd

om jou prag te koester

Dagdroom meisie

Dagdroom Meisie

Jy is my dagdroom meisie

Wanneer ek jou sien

En jy vriendelik glimlag

Voel ek verheug

Want jy is bly om my te sien

Jy is my dagdroom meisie

Wanneer ek jou rooivos hare sien

Dan weet ek

Dat ek jou weer gevind het

Jy is my dagdroom meisie

Want wanneer ek weg is van jou

Dan droom ek van jou

Ek droom van jou dikwels

Van jou gesels en lag

Jou onnutsigheid en jou passie

Jy is my dagdroom meisie

Want wanneer ek wil ontvlug

Uit my sleurbestaan

Kan ek na jou toe vlug

Kan ek oor jou droom

Jy is my dagdroom meisie

Want jy maak my vel tintel

Jy gee my glans

Jy is my avontuur

Jy is my dagdroom meisie

Want as ek jou verlaat

Dan is ek bly oor ek by jou was

Dan is ek hartseer dat ek moet gaan

Dan sien ek uit om jou weer te sien

Wat ek jou vra my dagdroom meisie

Is om my dagdroom meisie te bly

Solank jy kan

Gras van Afrika

assegaai gras is my naam

ek is kind van afrika

want assegaai is

die wapen van afrika

in oertyd tot nou

nou is dit kalaskinov

wat wapen is van Afrika

met AK oor my skouer is

ek sterk en kragtig

soos wat ek was

met impi bestaan

kon ek rooibaadjies

en voortrekkers roer

met my assegaai

vandag is die gras se naam

net herinerring aan tyd

toe bloed gevloei het

op afrika se grasvlaktes

bloed van mensekind

bloed van dierekind

gras is vandag die stapelkos

wat ons noem

voedselsekerheid

wat ons benoud maak

gaan daar genoeg wees

vir mensekind

die volgende oorlog is oor

 kos en water vir afrika se kind

Sielsgenoot

weet ek wat dit beteken

om ‘n sielsgenoot te he

een wat weet

wat in my kop aangaan

wat weet as die traan

oor my wange kibbel

een wat die sout

van trane verstaan

een wat ruk van

 twee uur se geklop

in die nag

wat hulp

kan roep as dit so gaan

een wat guitig kan lag

as die grap gebeur

as die lewe

vol prêt kan wees

een wat die liefde verstaan

nuuskierig na die volgende gaan

wat nie weet  hoe om nog

 ‘n sielsgenoot te kan kry

een wat drome wil uitle

nebukadnser wat se

waarom is die skrif teen die muur

wat droom van krokodille

wat nie bestaan

een wat diep

teer kan wees

een wat wild in die

liefde kan wees as die nag toesak

wat diep in die bos wil wees

die hare is wit van skielig smart

een wat kinderlik kan glo

wat van die pad nie sal wyk nie

sy is my sielsgenoot

vir nou en vir solank wat die

begrip bestaan

Wintertyd van my bestaan

soos die veld om my

Is dit wintertyd vir my

bestaan

trots staan ek met my oerlyf

wat nou my

doodsvonnis is

my horing wat my

beskerm het teen ander

in paringsritueel

van eeue ontwikkel

my horing wat wonderwerk is

oor millennium gevorm

is nou my verdoemenis

paraat kan ek wees en lyk

hoe skof wat my vashouplek is vir my wapen teen ander dier

maar teen die mens

is dit niks werd

want in sy gierigheid

sien hy net

die silwerstukke vir genot

van sy sinne

na my dood

beland my trots

in smokkelroete

op pad na vreemde land

ek is in die wintertyd

van my bestaan

Vuur in die bos

In my jonkheid het ek geloop

In die caprivi van verland

Daar het ek vuur ontmoet

Gebrand op die aarde van afrika

Sonder moeite of verdriet

Dit is deel van Afrika bestaan

Boom het binnebrand

In gat in stam le die kole in die hart

En brand met boom ongeskonde groen

In suideland gery en vure brand

Gereeld sonder angs of omgee

Vure wat Afrika groen maak

Vir nguni en bok

Sodat hulle melk gee soos dit kan

In bosveld het ek angs begin kry

Van boer wat vrees

Oor brand sy alles sal verwoes

Oor magteloosheid as die berge brand

Geen plan om dit te stop nie

Wortels van gras is nog nie vol gestoor nie

 want dit brand onbeheers

net wanneer dit wil

komitees en wet probeer

Afrika tem op die gebied

onmoontlik roep ek uit

Afrika is ontembaar

soos die man wat staar

na die ou vrou in die brand

starend sonder om seer te kry

bewend van vrees as jy die gestalte sien

in die vlamme

van Afrika

dis my verbeelding ooraktief

ek droom verniet angs

dis maar net nog ‘n brand van Afrika wat woed

more is dit dood

dan is alles weer groen

en ek puur verniet so bang

Te lank het ek geleef

strompelend steier ek die

pad af dorp toe

melk en brood is klaar

en ek moet kry

want my tande is op

die brood en melk is sag

om te eet

laas het ek uit die taxi geval

my bril is stukkend

en my broek geskeur

kinders het my vergeet

en ek moet maar steier

dorp toe

anders kan ek nie eet nie

vrou is dood seker

omdat ek haar

so gevloek het in my kop

want sy het my hel gegee

toe sy geleef het

RIP

 jou bliksem

my kierie is darem reg

met wit tou en gom

vasgemaak en nou

 is dit my stut

my kierie so skuins uitgegooi

strompelend af in die pad

suiker ek af dorp toe

te trots om iemand te vra

om my te vat want ek kan nog na myself kyk

rakkers gooi my met

stokke langs die pad

honne blaf hulle gat  af

maar hulle weet

kom naby my

en ek neuk hulle met my kierie

dat hul tjankend hardloop

terug by my kaia proe ek die melk

en eet ek my brood

en ek weet ek het te lank geleef

in hierdie woeste ongenaakbare wereld

Sambreel boom

jy is vir my boom van afrika

platkroon is ‘n naam

sambreel boom is nog ‘n naam

Maak nie vir my saak nie

ek dra jou in my hart

want jy is die boom

van die bosse en vlaktes van afrika

ek kan jou nie vasvang nie

 jy kan myne nie wees nie

maar ek verstaan die woord savannah

en droom van my reise in afrika

want ek sien die vlaktes

in my gemoed

as ek jou gewaar

en ek wil jou vashou in my oog

want jy is my afrika in my stille gees

as my son sak

weet ek van jou

Laaste uur

al is ek so klein

word ek afgemaai

vir die klein stukkie

op my kop

my ma is dood

haar bene stokstyf

op die foto van koerant

geen nageslag vir my

slegs eensaamheid en wagte om my te beskerm

teen die sterk wit boerseun

en omgekoopte stroper

wat afmaai soos hulle wil

die klop klop van die chopper sirkelend op die plaas

laat my benoud hardloop

want ek weet my bloed gaan vloei

in die stof van afrika

opgesuig  word

die einde is in sig

Gatoor

Die dag toe ek

 jou sien was ek

diep benoud

jy was oorweldigend naby

indrukwekkend groot

my angs

het in my oor geklop

jou oog het verwoed na my gestaar

ek het die gids gevloek wat jou na my gebring het

wat jou krag en mag uitdaag met domheid

en argwaan

my kloppend hart

bedaar toe jy omdraai met veragtend gebaar

van toe af het ek geleer

om jou te respekteer

anders as die gids

wat jou uitdaag

my weet het verander

toe ek begin leer

dat jy

in die spervuur gaan land van uitdryf in jou land

dat jy gery gaan word

op kommersiele dwinglandy

jou trots verminder gaan wees as nog een van die

groot vyf wat oorwin is

wat net vir die genot van mense beskore is

wat getem is vir plesier

maar jy bly vir my

die ontsag van daardie

dag wat ek jou ontmoet het van oog tot oog as simbool van afrika

Traan in my oog

as jy mooi kyk sal jy

sien dat ek ‘n traan in my oog

het

‘n traan in my oog

want my spesie

is bykans daarmee heen

bosveldboer se met bravade

lanklaas ‘n brulpadda gesien

hulle was nog onlangs hier

wonder wat het geword

jonas vandag moet

jy die drade spuit

met die gif sodat die gras nie groei teen die draad

wees versigtig want dit is

gevaarlik hierdie gif

dit is darem

 omgewingsvriendelik

wonder nog steeds

wat het van padda geword

hulle was dan so volop

dit is darem eienaardig

sal more daaroor worry

nou is die gif gooi belangriker

die lewe gaan aan.

ek kan nie veg teen die gif wat my ligaam indring

ek is magteloos en ek is daarmee heenn

Met Draad en Pale

word my bestaan geruguleer

want die geklap

van ‘n skoot en

die gekap van ‘n byl

het alles omgekeer

my modderpoel is nie meer

een van my maaksel nie

maar die van

‘n mensekind

wat dink dat ek dit sal waardeer

ek vat dit maar

 want daar is niks anders

weeskind is ek uitgelewer

aan geweer.

slagoffer gedwing

agter draad en pale

goed bedoel

 maar nie my wil

my wilde siel is nou

die van bees

want ek is nou die

teeldier van die mens

om mammon nog

 beter te dien  by

 spogparty in verre land

waar vreemde mens my

beskermingshoring

gekaap het vir

vreemde ritueel en valse krag

gedoem bly ek nou

agter draad en paal

Keuse

In die maak van keuses

Is daar baie modelle

 om van te kies

probleem oplossing is my nering

elke dag storm dit op my af

wat van dit

wat van dat

gun my tyd om te dink

ek moet daaroor slaap

soos die ou mense se

die moeilikheid is nie

net by die werk nie

dit neuk ook by die huis

ons moet praat

waaroor?

hoe gaan ons die

moeilikheid oplos

hoe gaan ons daardie

 moeilikheid oplos

wanneer keuses

begin torring

aan menswees

en nie iets verafs is nie

waneer dit my persoonlik

binnedring

my gemoed verswelg

dit is ‘n keuse tussen lewe en dood

wat moet ek doen

ek is verward

ek het geen raad

huil kan ek nie meer

trane rol sommer net

 maar ek voel dit nie

dan is daar net een raad

word stil en dra dit op

dit is ‘n keuse wat vir

 jou gemaak sal word

tot die beste voordeel vir jou

ek weet