wanneer jy

Wanneer Jy

Wanneer jy by my is is ek baie gelukkig

Wanneer jy saam met my ry

 se jy daar gaat ons

Wanneer jy saam met my op die stoep sit

 is daar vrede in my gemoed

wanneer jy my hand vashou

gaan my hart doef doef

Wanneer jy saam met my swem

 is dit vir my lekker

wanneer jy lag as jy gelukkig is

is ek bly

wanneer jy down is sak my son

wanneer jy siek is wil ek jou net versorg

wanneer jy lag is die son helderder vir my

wanneer jy lag sien ek net goud

wanneer jy nie by my is nie

verlang ek my dood

wanneer jy nie by my is nie

 is ek nog steeds lief vir jou

wanneer jy by my is

 weet ek ,ek is baie lief vir jou

my sielsgenoot vrou

Verandering

Verandering

verandering is die enigste
konstant se die
konsultant

in my lewe die
afgelope twee maande
ervaar

alles het verander
die saam swem is weg
stoeppraatjies is nie meer
daar gaat  ons
is verby

wat nou gemaak
hier op twyfelfontein?

alles het verander
koestertyd is daarmee heen
oplossings vind vir 
uitdagings is klaar

pamperlangsessies
is nie meer
dit het in die niet verdwyn.

oggendpraatjies voor werk
het verdwyn

want die hawelose
domineer

alles het verander
oor jou skouer loer
die norm

sakke onder die oe
vel vol knoppe
wat nie deur
justine gekeer kan word

die hawelose bly regeer
die vreugde van saamwees
is totaal verander.

wat nou gemaak op
twyfelfontein?

bly net glo ek het hom 
nie lief dit moet jy weet

ek weet nie hoe 
om die hawelose
te laat vertrek

so ons sal dit maar doen
want hy het ingetrek
sonder om te vra

breed sit hy in die kerk
vir almal om te sien
met sy kleed van gelowigheid

nou al wat ek kan doen
is om die verandering te 
aanvaar 

die proses bly
ontkenning
blamering
dan begin om aan te pas

finale stap is
aanvaarding van die hawelose
as die toekomsblik
van magdalena

my vraag bly
wat nou gemaak hier op
twyfelfontein

Teerheid in die liefde

Teerheid in die Liefde

Teerheid wat is dit?

Is dit om jou sagkens aan te raak?

Is dit om jou te koester in my hart?

Is dit om jou oe liggies te soen?

Is dit om een te wees met jou?

Is dit om jou sielsgenoot te wees?

Is dit om met jou te wees sonder seer?

Is dit iets anders wat ek nie weet?

Teerheid is so broos

Dit kan maklik gebreek word deur harde hand

Verpletter word met n skewe woord

Vermink word sonder weet

Teerheid is so sterk

Dit is so sterk omdat dit jou kan verander

Dit is so sterk omdat dit jou genees

Dit is so sterk omdat jy dit gee

Wanneer jy teerheid wil he is ek ru

Vertrap ek die teerheid sonder begrip

Wanneer ek teerheid wil he besef jy dit nie

Hoekom is dit so?

Ons is mense en ons sukkel met die begrip

Wanneer ons met mekaar verskil

Wanneer ons nie wil verstaan nie

Wanneer ons woedend is

Is teerheid nie daar

Wanneer die drif bedaar

Wanneer die woede uitsypel

Waneer die begrip versprei oor ons saamwees

Dan kom teerheid weer nader

Liefde is my droom om te behou

Want dit gee my ook teerheid

Wat ek so graag wil he

Laaste vraag

Wat is teerheid?

Wat is liefde?

Daar is baie antwoorde

Maar my antwoord is

Die teerste deel van liefde is om mekaar te vergewe

Sonstraal

Sonstraal

Jy is my sonstraal

want as ek jou sien na lange tyd

is dit soos die son wat uitkom na harde bui

alles voel weer reg

en ek weet dit is soos dit moet wees

as jou hande deur my hare streel

wil ek flou word

van verwondering dat jy weer by my is

my hart ruk so as jy se dat jy gelukkig is

jou stuitigheid bekoor my ongelooflik

en ek glimlag van oor tot oor

want jy is weer by my

jy lyk so mooi in swart en wit

jou ring blink wat ek vir jou kon gee

die steen wat jou

 altyd en vir ewig aan my verbind

jy is my beminde

vir n lewe en nog n tyd

waarlik my liefde

wat ek nie kan vergeet

Sheila en Ducktail

 Sheila en Ducktail

Die CD tokkel sy deuntjie uit

“Toe ek nog jonk was”

Was daar sheilas en ducktails

Hells Angels

Was nie soos vandag

Hulle was wrede bliksems

Kettings en knuckle dusters

Was hul trademark

Met swart klere vir die bike

Ek ken n vrou

Wat n steunpilaar is  in die lewe

Met kinders en kleinkinders

Wat nou nog n stukkie Sheila is

Sy het nie n bike nie

maar die swart klere is daar

Die ducktail is ook daar

Sonder sy Hells Angels kleed

Sonder sy knuckle duster

Met baie geld

Vat die pad, vat die pad

Is die kreet

Klouend om sy middellyf

Helmet vas en wydsbeen op die bike

Is sy weer Sheila

Saam met haar ducktail

Wat nie meer n ducktail is nie

Skatryk is hy en daarom het hy n bike

Seshonderd clicks

Is nie n problem

Solank die Sheila

Haar bike kan ry

Saam met haar ducktail

Met die baie geld

Wanneer die son sak

Sug sy tevrede

My alledaagse bestaan

Is verby

Want ek is weer n Sheila

Soos vanmelee

Die avontuur sal nie verbygaan

Want ek wil dit he vir altyd en altyd

Saam met my ducktail

En ek sug - ek verstaan

Seisoene van liefde

Seisoene van liefde

Eers het ek nie geweet wat liefde is nie

Die lente seisoen van die liefde het aangebreek

Dit het my groenigheid gegee

Die water het gedrup en ek was vrolik

aan hartseer het ek nie gedink

Toe weet ek wat hierdie liefde is

Dit is die woord verliefdheid

Somertyd van die liefde het aangebreek

Voor ek dit kon weet

Het dit geword

n tyd van lange dae

somer, son en saffier was

die rympie

nooit het ek gedink dat dit gaan verander

dit is dan liefde het ek gedink

met die najaar het iets verander

sonder dat ek wou

vasgeklou aan die somer

maar gesien hoe word die dae korter

die eensaamheid van die grou word meer

en meer

dit is nie my skuld nie, ek het nie gevra daarvoor nie

is die kreet

dit is dan die verwoesting van die liefde het ek geweet

nou het die eerste ysgolf oor my hart kom breek

die eensaamheid het my oorspoel

en dit het ek besef

 is die wintertyd van die liefde

daar waar eensaamheid jou vat

en jy oor blaarloos vlakte staar

daar waar die verbrande bruggie staan

die een wat

so toegegroei was in die somertyd van liefde

en nou weet ek

liefde het seisoene

en ek verstaan

die vraag bly

waar is jy in die siklus van die liefde?

Is jy in lentetyd of somer

Of in herfs of selfs die winter?

Ek ken nou die antwoord in my hart

outobiografie

outobiografie van Magdalena

Hierdie digbundel is
die outobiografie van Magdalena

Dit word gedoen deur
Versieboer
reg of verkeerd
in Magdalena se 
perspektief

Elke gedig vertel n klein
verhaal van wat Magdalena
beleef
elke dag van hàar lewe

daar is op en af tye
lekker en swaar tye
blydskap en seermaak 
tye

màar dit bly
Magdalena se outobiografie
geskryf deur
iemand anders
op elke gebeurtenis.

op pad het ek verdwaal

                                         Op pad het ek verdwaal      

My nek wys dit

dat ek verdwaal het

op my lewenspad

daar is net tattoos

op my nekvel

daar waar die nekvel die dunste is

lekker seer

my bossie blomme smous ek

en hoop

dat mevrou dit sal koop

sy sal my glo

as ek se

dat ek n broodjie wil koop

min weet sy dat ek nog meer nodig het

vir die pyn van n opgemorste lewe

die droe leivoor in die skadu

is my blyplek

op my dorp De Rust

was in die bendes

maar vandag is ek te oud

na ‘n lewe van geweld en roof

my blomme van die veld

is my enigste mooi in my lewe

maar ek is honger

vir drank wat my lewe vreet

my naam ken hulle nog

want dit was slagter

in bendetaal

n slaghuis ken ek nie

maar jy weet goed waar my naam vandaan kom

koop n bossie blomme

koop n bossie blomme

vir mevrou

sy sal daarvan hou

my mooie Tossie

My Mooie Tossie

Sy droom van feetjies in die veld
sy is n kleine dogter in haar hart
deur die lewe gebeitel
tot volkome vrou

sy staan bekend
as mooie tossie in die dorp
elkeen wat haar sien
wuif vir haar
sy is koningin van die dorp

Sy is avontuurlustig
soms tot nadeel van haarself
al haar vriende
staar na haar met verwondering
oor wat sy doen en sug
kon ek dit maar doen

haar ogies blink
as sy van liefde
hoor
sy. is van liefde aanmekaar gesit
sy stort dit uit aan almal
rondom haar

Familie vas is sy beslis
haar moeder is haar kroon
weekliks is sy daar
om te bemoedig
en te steun

haar kinders
is in haar hart
sy troetel elkeen op 
haar eie manier.
kleinseun is haar hart
se punt

Haar naam is mooie tossie
hier waar sy bly
sy maak my hart so bly
haar trademark is
haar glimlag
my mooie Tossie

n diepe hartseer

n Diepe Hartseer

n Diepe hartseer
het my oorval
my bekruip soos n wilde
dier

ek staan weerloos
teen die seer
my arms is lam
my bene bewe
ek het nog nooit
so gevoel.

die hartseer is so diep
ek hoor jesus roep
my god waarom het
u my verlaat

vergeefs probeer ek my
borswering
van kindersmart
wèer vind
dit het my bewaar
toe ek as kind
verwerp 
aangestrompel het
in die lewe

tevergeefs is dit nou
ek is gedoem
want ek kan niks
doen
sy lag net en se 
ek verbeel my
sowaar

dit is seker waar maar
vir my is dit
swart smart
smart wat
nooit weer sal heel
maar dit sal beter word
soos die tyd
verloop

ek hoor die donker klanke
van lisa se klavier
die liedjie push me to the
floor bly by my maal
in my kop
en ek weet ek beleef
ware smart

gelukkig ken ek God
en weet dat hy my sal help
my diepe hartseer
sal deur hom
verander word
en my lente sal weer
aanbreek
met of sonder jou.

my lewe op n bladsy

My lewe op n bladsy

Die donker slae van
 push me to the floor
slaan in golwe
oor my
waar ek in. dieptes
van smart le

Stadig tel die heilige
gees my op
en begin om my
heel te maak
ek word stukkie
vir stukkie heel

my lewe
gàan voort
soms baie met 
God
soms minder met
God

my sus gaan dood
en my moeder
treur soos ek
onbedaarlik bly die
smart

Vreugde het ook gekom
my seun het bedaar
my dogter het getrou
en n kind gebáar
al het die 
gehyg na lug
nou is dit weg
die Heer het my weer gered.
en vandag is hy my hart se punt

liefde het ek gejaag
in die verre kaap
het ek gesoek
sonder ophou
vakansie na vakansie
maar dit het nie gewerk nie

in my nabyheid. het
versieboer sy liefde
verklaar
dit is nie wat ek wou he nie
en ek het avontuur
gesoek en n ryk man
gekry
met bikes en karre

ons het lekker getravel
en memories gemaak
wat ons bymekaar hou
ek kan hom nie drop nie
verskonings sal ek bly vind
om hom te behou
want hy is my backup

vreugde het weereens my
deel geword
met my projek 
wat sukses op sukses
lewer

die Heer sorg nog
vir my dag na dag
net die liefde
is ontwykend vir my
sal dit bly jaag
omdat ek n wilde loot is
want dalk sal ek dit kry.

na lange jare is ek
klaar met alles wat ek
elke dag ken
my nuwe lewe gaan begin
nou kan ek my uitleef
saam met God

Versieboer het nou getrek
na twyfelfontein
om sy laaste gedig te
skryf oor die liefde
wat hy verloor het.

Die daeraad wink
nou vir my
met belofte van sukses
weereens
was die Here getrou

my wilde loot

My wilde loot

sy is my liefde

oor jare van n lang tyd saam

sy is die een wat my bekoor

al is sy n wilde loot

in die wingerd

wat die wyn laat borrel kry jy altyd n wilde loot

met snoeisker huiwerend wil jy die wilde loot

lei om vrugte te maak

vrugte van liefde

voortbringend uit die grond

al is jy n wilde loot

wat weghardloop van my

weet ek dat met die regte liefde

en n begrip vir jou siel

sal ek dit dalk regkry

om wyn uit jou te kry

wanneer die avontuur roep sonder my

weet ek darem dat dit is, omdat jy n wilde loot is, soms

en ek moet dit weet

nou sit ek die snoeisker neer

want dit is nie meer nodig om die wilde loot te tem nie

sy sal self eendag nie meer ‘n wilde loot wil wees nie

en die liefde kies en nie meer n wilde loot wil wees nie

Melite

Melite

ek het n vreemde naam

n naam wat mooival op die tong

n naam wat jy altyd sal onthou

want dit is vir jou n naam

wat vertel van die Here

en ook van diensbaar wees

die verlede borrel uit

vloeiend in strome

dinge wat verberg was kom nou na vore

dit is helend

en maak

dat die verlede onbelangrik word.

Melite is een wat nou n nuwe naam het

wat n ander betekenis kry

Melite wat bid vir genade

oor haar lewe

ek word nou toekomsmens

n mens wat vir die Here vra

wat kan ek doen?

al was dit net vir n stonde

dat ek myself ontdek het

bly dit die moeite werd

ek glo nou in myself, en weet dat

ek gelei sal word na waar ek moet gaan

Magdalena

Magdalena

Wanneer jy na Magdalena se gedigte luister sal jy weet dat sy weg is maar dat die liefde van Magdalena altyd sal bestaan.

 Sy is nou weg maar jy sal die liefde wat sy gekry het in haar lewe net n bietjie beter verstaan. Jy sal dalk jou eie liefde ook in haar vertelling en gedigte kan vind. Dit sal dalk ook jou verhaal wees een van geluk, hartseer en blydskap in die liefde.

Sy het haar lewe lank net gesoek na die liefde wat haar so ontwyk het. Op haar sterfbed het sy net geglimlag en geweet al was dit te laat was daar iemand wat haar bemin het soos sy altyd graag wou he. Nou maak dit nie meer saak nie maar dit is genoeg gewees.

Liefde is, het sy verstaan is maar eenvoudig en dit is om by jou te wees. Langs jou bed in ICU waar  jy kromgetrek is van die pyn, waar jy as oumens op die draadstoeltjie sit sonder hoop maar die liefde is daar in jou hart al kan jy niks meer doen nie.

Sy het geluk gejaag in klatergoud maar geleer dat ook dit help niks as jy nie die liefde het nie. Al die goeters in hiedie wereld kan nie die honger stil nie.

Hierdie is die ware verhaal van Magdelena wat ook deur die lewe is soos ek en jy. Vind jou lewe in jou gedagtes waar jy luister na elke verhaal wat voor jou ontvou.

Een van die gedigte wat haar vasgryp is die een wat se naam is JY – dit vertel die verhaal van n man wat droom or sy geliefde. Ander gedigte vertel van blydskap en ander weer van seer. Trane mag jy stort want dit kan nie sonder die gedigte gaan. Dit is trane van hartseer oor dit wat verby is maar ook trane van blydskap oor dit wat is.

Wat jy ookal doen – jou hart verhard of versag – weet dat dit waar is elke woord. 

Lentetyd van die liefde

Lentetyd van die liefde

dit is lentetyd
van die liefde wat aanbreek
net soos die seisoene van die
natuur dit bewerk

dit is tyd om voor te begin
tyd vir handjies hou
daardie skaam glimlag
die uitsien van weersien

die malse groenigheid
in die natuur 
is weerspielend
van my nuwe gevoel
vir jou my
lenteliefde

die swart van die
winter is verby
blomknoppe breek oop
n heerlike geur versprei
naief glo ek jou
as jy se ek is
lief vir jou

wil dit glo al is dit
maar n fabel
want ek was mos al daardeur
het ek die smart
van eensaamheid
beleef

kom ek glo
al is dit kortstondig
want dit is lenteliefde
wat tog net n droom is
maar ek kan die genot
van die liefdesnektar
vir oulaas indrink

saam met jou
my lenteliefde

Koestertyd

Koestertyd

Koestertyd gaan tog so gou verby
waarom is dit so?
wat is koestertyd?
dit is die tyd
saam met jou

die tyd wat ek na jou
staar wanneer jy slaap
die tyd wat net
myne en joune is
waar ander nie welkom 
is nie

Dit is die tyd van memories
maak
memories net van my en jou
op plekke wat net ek en jy
van ken

koestertyd is maat wees tyd
tyd wat ons skep vir mekaar
wanneer koestertyd gaan
begin die liefde ook taan

maak tyd vir koestertyd
want anders gaan jy
skielik vind
dat alles is verby
jy gaan wonder wat
het gebeur
dan is iemand anders
koestermaat.

koestertyd is kosbaar
want dit kan so skaars word
want ek dink mos
dat liefde kan klaarkom
en bly bestaan sonder 
koestertyd.

Koestertyd is die nektar
van die liefde
dit versterk en bou die
liefde en word die boustene
waar ek en jy
deur saamwees
die toekoms kan bou.

Sorg mooi vir
koestertyd
en liefde sal uitwerk
weet ek nou

karootyd

Karootyd

My dorpie het

 ek gevind

Die reen stort neer

In die nag

Ek  wonder oor hael

Maar met tevree glimlag

Draai ek om

want ek slaap in my karoodorpie

my kunstenaarsiel

vind

vertroeteling

in flenterplekkies wat my bekoor

uile en meerminne

hasies en nog wat

waterwiel wat vasgeroes is

wat meel nooit weer sal maal

brouery met volunteers

van verre lande

wat golden blond

ronddra

asof in duitsland

vet skaap wat opkyk oor die draad

word skilderprent in my kop

dit is my skilderdorpie

in die karoo

windpomp draai

maar water word nie gepomp

die vrees van fracking

hang swaar oor my skilderdorpie

wat die lewe gaan verwoes

in my gevonde uile dorpie

kan dit wees dat ek

weer kind kan wees

hier op my stilstaantyd

plek

hier waar bhoedis

gefaal het en ander pad gesoek het

plek van koue stort

en slierte van oggendmis

dwarrel oor my ruine gedagtes

waar die windpomp nog staan

alles probeer ek vasgryp

maar ek kan nie

ek stoor

dit in my gedagte

sodat ek dit weer kan

herkou elke uur

van my bestaan

as ek ver is van my droomplekkie

my karoodorpie

my skilder dorpie

my verposingsplekkie

waar ek wil wees

as my journey of life

uitspeel op n dag

jou grootste ondersteuner

Jou grootste Ondersteuner

Jy weet dit dalk
of dalk weet jy dit nie
ek is jou grootste
ondersteuner

my ondersteunertrui
is onsigbaar
want dit word
genoem die liefde

waarom is dit so?
want ek hou van 
wat jy doen vir my
jy is die speler van die
jaar

Jy speel die spel van die
lewe voluit
soos net jy kan
soms verloor jy
soms wen jy
maar dit maak nie saak 
vir my 
jou grootste ondersteuner nie

as die spel verby is
kan jy op my reken
dat ek daar sal wees
as jy wil
om vir jou te kan se
jy is die beste
speler vir my
vir nou en ook wat kom

Grondpadryer

Grondpadryer

die pad le ver na die dorpie

deur almal genoem Liefde

die plek wat ons almal

 smag om te kan bly

op pad na liefde is daar

 baie paaie

grondpaaie, teerpaaie

soutpaaie, slaggat paaie

die een wat ek gevat het was

‘n kortpad het ek gedink

ek sal gouer by Liefde uitkom

was my gedagte

eers was die pad goed geskraap

soos ‘n droom  het ek gery

maar later het die hobbles gekom

later het die klippe verskyn

later het dit ‘n tweespoor geword

my wiele het pap geword

die klippe het die bande gesny

en die pad na liefde het ek byster geraak

moes ek vasbyt of moet ek omdraai

weer n keer het ek prober

maar tevergeefs

die pad is te sleg

op my pad terug het ek n nuwe pad gevind

binnekort is dit teer

al is dit vol slagagte

ek rittel en beef nie meer

want ek is weg van

 die grondpad wat my so verniel het

nou is ek stukkend maar ek het moed

want ek het besin oor wat ek moet doen

ry op die teerpad al  het dit gate

want dit kan ek sien

nou is ek nie meer n grondpadryer nie

Skille van my oe

Skille van my oe

na Emmaus is ek op pad

saam met my skielik n vreemde man

is jy n vreemdeling in Jerusalem?

vra ek hom

weet jy nie wat het gebeur nie?

wil ek weet van die vreemde man

toe paulus nog saulus was het hy gehad

skille op sy oe

toe dit afval het hy neergeval

en gedank dat die skille van sy oe af is vir altyd

die boodskap van die preek

kom le in my binneste

dit se van my verwagting

ek soek n beskermingsengel en nie vir God

dit is skille van oe dat ek dit kan besef

maak reg jou verhouding met God

 is die tweede boodskap wat in my vasslaan

weer val die skille van my oe

op pad na Jerusalem

as  emmausganger dank ek die Here

dat ek nou skielik helder kan sien

die vreemde man was Jesus

saam met my

Een maal liefde

Eenmaal liefde

Weet jy wat is eenmaal liefde?

Het jy dit al ondervind?

Ken jy die gevoel wat eenmaal liefde is?

Eenmaal het ek dit ondervind

Eenmaal het ek aan die beker gedrink

Al was dit net vir n korte stonde

Vir  my alleen beskore

Vir jou kan ek vertel

Van daardie liefde

Die liefde waar ek soos n hond

Op my baas se graf le tot die dood

Daardie liefde soos van Romeo en Juliet

Wat geeindig het in tragedie

Die liefdesverhaal van die eeu

Tussen jou en my

Daar sal weer ander liefdes wees

Maar nooit ooit een soos die

Liefde wat gegee was

Soos wat liefde bedoel was

Hoop jy vertstaan nou

n bietjie meer van eenmaal liefde

Soos vir jou

een aand

Een aand

Een aand lank gelee

By eetplek ver van hier

By kerslig flonkerend

Het dit gebeur

Jy was oorkant my

Jou gesig sag en weerloos

En jy tog so mooi vir my

Stip starend na my

My hart kloppend in my keel

Kon ek net staar

Na hierdie wonderwork

Oorkant my

Alles  vervaag rondom my

Waiters verdwyn

Musiek klanke word n melodie

die kerswas vorm patrone

en my hande begin sweet

ek trek jou hand nader

vou dit toe in my ruwe hand

n gevoel wat ek nie kan beskryf

wel in my op

fluisterend buig ek vooroor

sodat jy naby aan my kom

en ek se vir jou

ek is lief vir jou

jou gesig verander

jy is gelukkig besef ek meeteens

jy voel ook so

verstaan ek skielik

die knop in my keel

moet ek wegsluk

want dit is nou daar

dat my liefde vir jou is geopenbaar

dit kan nie meer weggaan

dit is vir altyd en nog n bietjie daar