Versiboer se pen

Pen wat stil geword het

Wanneer versieboer se
pen nie meer skryf nie
is daar onsteltenis
daar daal n gevoel van
"n era het ten einde geloop"
op jou neer

Wanneer jy as soldaat
begrawe word
speel die laaste taptoe
en n traan word
weggepik
oor n lewe wat onherroepelik
verby is

Met versieboer se pen wat
stil word is daar nie
n kaaste taptoe nie
dit is net n swanger
stilte wat heers
en jou inhaal

 al gaan jy waar

n stilte wat jy die hartklop
in jou ore voel
en jy wonder wat het
gebeur

hy is dan nie dood nie
wat is dan fout
daar is nie n begrafnisbrief
wat jy in die
asblik kan gooi nie

Dan begin dit deurdring
die inspirasie is daarmee
heen
net fladderende papiertjie
is oor
met niks opgeskryf nie

versieboer is sonder sy
pen en papier maar dit
is nie die fout nie

sy inspirasie wat koestertyd
insluit het hom verlaat
vir ewig en altyd
en die laaste taptoe
sal nie speel nie

versieboer het sy laaste
gedig geskryf
en slegs inspirasie
sal dit weer na vore
bring

net soos die skilder
se kwas wat stil geword
het ook daarvoor wag