Ek ken n vrou

Ek ken ‘n vrou

ek ken n vrou
wat se geloof sterker
is as myne

ek ken n vrou
wat n voortrekkervrou
kon wees
en kaalvoet oor die
drakensberg kon trek

ek ken n vrou wat
met deernis na n kind
kan uitreik
en vertroostend
wees waar angs
floreer

ek ken n vrou wat
met insig die regte
besluit kan neem
waar ek as man so maklik
faal
al is ek groot en sterk
en slim

ek ken n vrou wat 
met koestering
my hart kan tem
my wildheid laat gaan

ek ken n vrou wat
haar familie deur
dik en dun
bystaan tot die end

ek ken n vrou wat
liefhet sonder weerga
wat liefde strooi
soos sterke reen

hierdie vrou is bekend 
aan jou
jy het haar dikwels ontmoet

want dit is
Jy