Robert Reinecke
Held van gisterjaar
Held van vryheidsoorlog
Van stryd tussen boer en brit
Van engels naam en boerebloed
Kartetse bars teen kliprant in die afrikaveld
Rotse spat - perde runnik
Van geweld tussen boer en brit
is
die stille
getuienis van die wind
wat soms snerpend koud is
soms dwarrelwind
stil hang jou portret teen die muur
jou mooie snor jou soldatetrots
jou uniform
van staatsartillrie mooi versier
helder oe wat ‘n bars kan
is my metgesel in my stille kamer
op jou graf in heldeakker
sit ek en my seun ‘n blom neer
‘n kort minuut in my lewenstyd
om jou oppofferring te gedenk
wat gedoen is om die nasie te bou
sonder om kind te baar
jou moeder van engeland het jou ge-eer
deur vir jou ‘n grafsteen te bou
wat kortliks van jou se
van jou onstaan tot jou dood
was jy ook bang ?
het jy ook aan
God gedink
op jou sterwensuur?
hoe min weet ek van jou my held
jy wat kortgeknip is in geweld
van stryd tussen boer en brit
al wat oor is is jou graf en jou portret
en die vryheidsdrang van my volk
latent in my gedagte
Held van gisterjaar
Held van vryheidsoorlog
Van stryd tussen boer en brit
Van engels naam en boerebloed
Robert Reinecke
No comments:
Post a Comment