Turnhalle

Turnhalle

op die sypaadjie sit die boesmans

of soos tans bekend die Khoi San

voor die hotel in Klein Windhoek weg

skoene is uit

rustig vanaf verre boesmanland



hulle kom vir die uitsorteer van

duitswes se mandaat om

‘n land in eie reg te wees

dirk mudge is koning van die proses



knaend in die koerant

stippel hy die pad uit

nie almal stem saam maar hulle is daar.



die turnhalle was ‘n seinstoor

van militere toerusting

uitgegooi om plek te maak

vir mense wat wil praat



geverf en gepolish

vir banke wat moet in

vir afgevaardigers van die turnhalle

wat moet praat oor die land se toekoms



uiteinde van die gesprek

is dat die

informele duitswes lied net dit bly

‘n bier aangedrewe lied

van “sonne verbrandt “

In die sportsbar met die groot toonbank



van duitse bierfees tot schone madchen

wat emmers vol bier rondra

en gemutlich te wees



word die bestemming van die land

uitgestippel

in die gebou wat bekend is

as die turnhalle



almal praat saam

en ovambo, herero, boesman, ovahimba

en duitser met skoot afrikaner bygegooi

maak die land

‘n land van vele

tale en kulture

‘n vry land vir tyd wat voorle in die son