die kruis

Kruis op die berg

laatnag op pad

by warmbad brand die kruis

op die Waterberg se voetheuwels

op reis op die snelweg

na pretoorsdorp



die kruis brand helder

op

Mohale se berg



wat nou van Islam en

Mohammedaan

wat ook daar bly

waar is sy teken

aanvaar hulle dit?



hardloop met kiste

op hul kop

in middeooste

wat se hulle daarvan



wat se dit vir my?

Is die betekenis by my gevestig

of is dit net

iets wat ek sien

maar nie weet wat ek sien nie



die wit kruis langs die pad

wat vertel van sterfte

wat is die verhaal daarvan



wat van die kruis wat ek dra

die kruis van siekte

en eensaamheid



waar is die boodskap

waar is die redding

waar is die gebed

wat my verlos



ek weet

dat ek kinderlik moet glo

my trane biggel sonder dat ek huil

want ek weet ek is vergeef

ek is verlos

want ek glo



geen kruis op ‘n berg

is so sterk soos wat ek glo

dankie Jawe – ek glo