Motorfiets

Die motorfiets

my hare is plat

my kop is gesweet

maar ek hou daarvan

my adrenalien het gepomp

ek het die noodlot getart



van antieke sidecar

tot scrambler

en padfiets met

saalsak is ek op pad



op pad na avontuur

op pad na vreemde blyplek

met dreuning onder my sitvlak

ek kan nie dink

want my hart klop wild



ek moet staan en ry

want dit is deel van my avontuur

ek is bang maar ek druk deur

want ek is nou deel van ietsie anders



deel van ‘n ander groep mense

wat ek nie ken

‘n sheila en ‘n ducktail

soos in my jeug

toe my pa my verbied

het om ooit op die

duiwelse ding te klim



uitdagend skud ek my kop

as ek die helmet

afhaal asof ek gesout is

in die tipe ding

soos die cherries op die ander ysters



my avontuur het maar begin

op die ysterperd

want ek leer dinge wat ek nie ken

dinge wat lekker is

omdat dit vreemd is

en onbekend



veilig voel ek want ek het vertroue

gekry in die hand wat die bike hanteer

nooit moetswillig want jeug dikteer nie meer



waar die pad heen ly vra ek nie meer

want dit is ‘n groot avontuur

wat my jeug laat tintel in my bloed

ek is weer jonk en wild