Sunday, January 31, 2016

Die dril


Die dril

dash down crawl observe sights 
fire
is die dril in my 
wanneer ek vuur
trek
is dit wat ek moet doen

dink nie meer daaroor nie
doen dit soos outemaat
want dit is al hoe ek kan
oorleef
waneer ek vuur trek

die buddy buddy system
is deel van my
sodat. ek sal oorleef
tydens vuur en beweging
om die vyand te kan wen

in boslaan leer ek om
dubbelskote te skiet
soos die sammajoor se
tap tap
tap tap
wanneer ek en my buddy
vorrentoe beweeg

tel jou skote een vir een
want jou magasyn het net
twintig rondtes
draai n ander magasyn 
onderste bo getape
sodat ek maklik kan ruil

storings moet ek blitsig kan
uitsort
want my lewe hang daarvan af
om my kettie aan die gang te hou

die dinge is my ingedril
sodat ek kan oorleef
in die hitte van die stryd
van oorlog maak

Sunday, January 3, 2016

Jy is na stylvolle man

Jy is n stylvolle man

Sy kyk my vas in die oe
en se jy is n stylvolle man
en ek wonder hoe 
weet sy dit

Die mikrofoon fluit
toe sy begin praat
kalm bly sy uiterlik
maar ek wonder
hoe gaan dit
binnekant

later het ek verstaan
toe ek haar beter leer ken
sy klink vir my geel
volgens haar definisie
sy is ook n pastoor

en ek sien sy dra nie n ring nie
iewers was daar ook n seer
sy begin met Meraai se storie
vertel van paarl perly
en van doop
later word paarl perly
oros
die skare geniet dit

die tweede storie
gaan oor haar eerste lewe
in die wereld van verkope
wat sy in presteer
tot op n dag wat haar
ondergeskikte
by die deur omdraai en se
ek wil nog net..........
Toe leer sy van die 
temperaments model
en die skille val van haar oe
en sy kan die Here beter sien
sy kom agter wat is die regte
doel van haar lewe.

Die derde storie is een van die
drie beertjies
wat eintlik meer was
n lekker aanslag en die mense
geniet dit
want hulle verstaan ook van
brylcreem en morris karre
en wat dit is om arm te wees

tog sien ek die mens in haar
want toe sy klaar was
waar niemand gekyk het
sien ek die trane wat
afgevee word na die sessie

my lewe is ook duideliker
want ek het al baie instrumente
gedoen
van joharivenster deur belbin
disc en alles en nog wat
hierdie een is die eerste een
deur n geloofsvenster
wat dit anders maak

dit gee my ander perspektief
en die skille van my oe word
los al is dit nog nie af.

sy kyk my vierkant in die oe
en se jy is n stylvolle man
sy weet nie regtig 
van my nie

maar sy weet instinktief
deur haar ervaring
en kon my opsom
in breukdeel
met die woorde
jy is n stylvolle man


Die huis van die vier winde

Die huis van die vier winde

in die waterberge
staan daar n huis
die huis van die vier winde
ek het daar gebly
die huis waar die
pofadders onder die
gasvrieskas bly
warmte soek teen die
koue winde wat waai
oor die huis van die vier
winde

waar ek in die aand
by brandend
kerslig beweging
sien uit die hoek van
my oog
maar as ek kyk
is daar niks
die huis van die vier
winde

katabatiese en anabatiese
winde wat deur die
die son en kranse
gereguleer word

house of the rising sun
speel op my transistor
en ek word koud
in die huis van die vier winde

wat is soos die vlieende
Hollander skip wat vaar
maar jy kry hom nerens

uit die misnewels
sien jy die huis en binne is
dit elegant met kristal kandelaar
en trap
as jy weer kyk is dit weg
toegevou in newels van
wit wolke
hierdie huis van die vier winde

en jy sien vir marais waar hy
gebukkend skryf aan die
siel van die mier
op die skryftafel
van die huis van die vier
winde

en jy weet dit is waar
oor die huis van die vier
winde van die waterberge
waar ek gebly het

dieselfde as die bermuda
triangle waar skip en vliegtuig
vir ewig en altyd vlieg en vaar
dit is waar die kantgordyne
wapper in die huis van die 
vier winde


Kersfees en konflik

Konflik en Kersfees

elke kersfees beleef ek dit
om aan konflik te dink
nie omdat ek wil nie
maar omdat dit in my lewe
opmerklik was
as ek op oukersaand
en op kersdag op
die grens was het ek konflik
beleef op verskille
tussen  ideologie
ek was tussenin
vasgevang

toe het ek konflik
beleef om die kerstafel
wat ek gewonder het
waarom hulle se geseende
kersfees
voor die tyd
as die familie bymekaar kom

so het ek gesmag na n konflikvrye
kersfees
my lewe lank
moontlik was dit die drank
wat die moeilikheid
veroorsaak het
miskien iets anders

vandag was dit anders
die enigste konflik
wat ek beleef het
was in die cowboy boekies
wat ek gelees het.

vandag was vir my
n konflikvrye kersfees
die dag is verby

en ek het nog net my
interne konflik oor
maar niks meer
tussen familie
nou dink ek 

Geseende Kersfees


Balansstaat

Balansstaat

Wanneer die vuurwerk begin
dan weet ek iets
daar is n nuwe begjn
maar laas jaar
moet ook opgeskryf
word in die balanstaat
van die jaar

Waaroor gaan die balansstaat
van die jaar?
die balanstaat van die jaar
vertel van die verliese
en winste van die jaar.
oor die menswees goed

hierdie is nie n staat van koue
syfers nie
dit is een van emosieonele
syfers 
van mense
wat het ek gewen en wat het
ek verloor het

het ek nog my familie?
het ek nog my vriende?
is hulle wat belangrik is vir my
nog daar?

waar staan my grafiek met
hulle elkeen?
is dit vir my goed of.sleg?

daardie antwoorde kan ek maklik
lees as ek net
die balanstaat wil vat
en dit beskou
 eerlik is met myself

Sou ek dit doen op die
laaste en eerste dag
dan sal ek waarskynlik
beter kan sien wat om te doen

maar wie wil dit nou doen
pret en avontuur
niog n dop en nog n keer se
pret en plesier
is einlik belangriker
as dit alles saam

vergeet almal en allles
want dit is nuwe jaar
daar le net opwinding voor
geen traan in my oog 
net vorentroe
die afskeid 
van die oue is gedoen
nou n nuwe balanstaat
oopmaak
vir my emosionele geluk
soos ek dit wil he.

my vraag kom met n harde
slag terug na my
en ek wonder oor
die balansstaat voor ek dit
opskeur in vladderende
papier


Kies tussen Mammon en God

As ek moes kies tussen 
god en mammon
wat sou ek kies?


Die antwoord is maklik
dink ek gou
natuurlik god

maar dit is toe
nie so maklik nie


verskuild kom mammon
in snaakse gedaantes
onherkenbaar vermom
wolf in skaapklere getooi
se die spreekwoord


ek weet nie eers ek word
getoets nie
ek sien dit nie raak nie
ek dink dit is die pret en plesier
wat rondom my is
wat belanģrik is


dit is mos nie mammon nie
niemand gun my geluk nie
is my kreet


Skille op my oe val weg
en heldere blik ontstaan
nou kan ek beter sien
wat die toets was


die toets wat ek deurstaan het
die toets wat my laat kies het
tussen God en mammon
die toets wat ek in harde
werklikheid moes voltooi

Sunday, September 6, 2015

My hart se punt

My hart se punt

Ek het nie geweet dit is 
so lekker om ouma te wees nie.
omdat hulle ver is
en ek net af en toe
oums kan speel
is dit ekstra spesiaal
vir my

Daar is nog een oppad
en dit is sommer dubbel
bederf ek kan amper nie 
meer wag nie

Ek kry maklik n verskoning
in n winkel om iets te koop
vir my hart se punt

dit is en bly vir my lekker
die kleertjies vir die nuwe
een wys ek vir almal
en oooo sug elkeen 
dit is so klein brom die mans
dit is so fraai
kraai  die vroue

daar gaan weer havoc wees
die week maar ek gee nie
om nie
my kleinste is weer by my
al is dit net vir korte rukkie

my foon gaan weer 
kreun van al
die fotos maar dit
maak vir my lekker
memories
wat my eie
koestertyd word

dankie my Heer vir die groot
genade
en aan jou my dogter
kan ek se 
ek is baie lief vir jou